Li Kerkûkê ciwanek li ber lehiyê çû û winda bû

Li Kerkûka bajarê Iraqê, ji ber barana ku ev 3 roj e bê navber dibare çem bi ser va çûn û ciwanekî ku li ber lehiyê çû, winda bû.

Rêveberê nahiyeya Leylanê Mihemed Weys di daxuyaniya xwe ya ji bo nûçegihanê AAyê da anî ziman ku ev 3 roj e bê navber baran dibare û ev rewş bûye sedema lehiyê.

Weys destnîşan kir ku karkerekî ciwan ê ku hewl da ji çem derbas bibe li ber lehiyê çû.

Weys diyar kir ku tîmên îtfaiyeyê û yên rêveberiya parastina sivîl ên li herêmê ji bo lêgerîna karkerê ku li ber lehiyê çû, seferber bûne û got ku tîmên piştgiriyê ji Kerkukê jî hatine.

Weys got ku ciwanê navborî li kargeheke nêzîkî çem dixebitî û hewldanên lêgerîn û rizgarkirinê bênavber berdewam in.

Weys her wiha diyar kir ku gelek xanî, dibistan û saziyên giştî yên li herêmê ji ber lehiyê bi awayekî neyînî bi bandor bûne.