ROJANEKIRIN- Li Kubayê balafira rêwiyan ket

HAVANA

Hat ragihandin ku li Havanaya paytextê Kubayê balafira rêwiyan a cureyê Boeîng 737 piştî rabûnê ket.

Rayedaran diyar kirin ku balafira ku ji Havanayê ji bo ku biçe bajarê Holguînê bi firê ket û tê de 104 rêwî û 9 murettebat hebûn demek kurt piştî ku ji Balafirgeha Navneteweyî ya Jose Martî rabû ket.

Granmaya rojnameya fermî ya Kubayê diyar kir ku ji balafira ketî tenê 3 kes filîtîn, birînên van kesên ku li nexweşxaneyê tên dermankirin xedar in.

Hat ragihandin ku Serokdewlet Mîguel Marîo Dîaz-Canel Bermudez jî çûye cihê bûyerê.

Hat got ku balafir ji aliyê Rêhewayên Cubanayê ve ji şirketekî Meksîkayî hatiye kirêkirin.

Li Artemîsaya bajarê Kubayê par balafirekî eskerî ketibû û 8 kes miribûn. Di sala 2010an de jî balafireke rêwiyan a ku sefera Santîago-Havanayê dikir ket û di encama qezayê de 68 kes miribûn.