Serokomar Erdogan çû Azerbeycanê

Serokomar Recep Tayyip Erdogan bi minasebeta Roja Serxwebûna Azerbeycanê bi balafira taybet "TUR"ê çû bajarê Laçînê yê Azerbeycanê.

Alîkarê Serokomar Cevdet Yilmaz, Sekreterê Giştî yê Serokomariyê Hakki Susmaz û Waliyê Enqereyê Vasip Şahîn li Balafirgeha Esenbogayê Serokomar Erdogan bi rê kir.

Wezîrê Vejen û Çavkaniyên Siruştî Alparslan Bayraktar, Wezîrê Parastina Neteweyî Yaşar Guler, Wezîrê Veguhestin û Binesaziyê Abdulkadir Uraloglu, Wezîrê Çandinî û Daristanê Îbrahîm Yumakli, Wezîrê Bazirganiyê Omer Bolat, Serokê Konseya Rîspiyên Teşkîlata Dewletên Tirk Bînalî Yildirim, Serokê Ragihandinê yê Serokomariyê Fahrettîn Altun, Serşêwirmendê Serokomariyê yê Polîtîkaya Derva û Ewlekariyê Akîf Çagatay Kiliç, Alîkarên Serokê Giştî yê AK Partiyê Kurşat Zorlu, Ali Îhsan Yavuz, Zafer Sarikaya, Huseyîn Yayman, Halit Yerebakan û Alîkarê Serokê Giştî yê MHPyê Îsmaîl Ozdemîr jî bi Serokomar Erdogan ra çûn Azerbeycanê.

Tê plankirin ku Serokomar Erdogan bi Serokomarê Azerbeycanê Îlham Aliyev ra bicive û li ser peywendiyên dualî û her wiha geşedanên herêmî û kurewî biaxivin.

Di çarçoveya ziyaretê da ji xeynî vê bi beşdariya Serokwezîrê Pakistanê va Civîna 2yem a "Zîrweya Sêalî ya Tirkiye-Azerbeycan-Pakistanê" bê lidarxistin.

Serokomar Erdogan her wisa dê beşdarî bernameya vekirina Balafirgeha Navneteweyî ya Laçînê û çalakiyên çandî yên Roja Serxwebûna Azerbeycanê bibe.