Li Erzirom, Qers, Erdexan û Agiriyê berf barî û hewa sar e

Li Erzirom, Qers, Erdexan û Agiriyê berf barî û hewa sar e.

Li Erziromê berfa ku şev dem demî barî, serê sibê bû sedema hewaya sar.

Li bajarê ku rê û peyarêyan qeşa girt, germahiya hewayê ya herî kêm a bi şev di bin sifirê de 12 pile hat pîvan.

- Qers

Li Qersê şev berf barî, paşê hewa sar bû û mij çêbû.

Li bajêr dar û beran qiravî girt û mija zêde bû sedem ku mesafeya dîtinê kêm bibe.

Li navçeya Sariqamîşê ji ber hewaya sar paceyên mal û kargehan cemidîn û li ser banên xaniyan şembelûk çêbûn.

- Erdexan

Li Erdexana ku termomêtroyan germahiya hewayê ya bi şev di bin sifirê da 10 pile nîşan dan jî dem demî berf barî.

Ji ber hewaya sar û berfê rê û peyarêyan qeşa girt.

Kesên ku hatin Gola Çildirê ya ku rûyê wê cemed girtiye, bi xizangên hespan li ser gola cemidî geriyan.

- Agirî

Li Agiriyê bandora hewaya sar heye û mij çêbû.

Li bajêr bi şev germahiya hewayê ya bi şev di binê sifirê da 10 pile hat pîvan û berfeke kêm barî.

Ji ber mija ku çêbû şofêran bi zehmetî wesayîtên xwe ajotin.

Li navçeya Xamurê jî dar û beran qiravî girt.

Hin welatiyan ji bo ku ji sermayê biparêzin wesayîtên xwe bi betanî û brandayan pêçan.