Li Erzirom, Qers û Erdexanê bandora berf û sermayê berdewam e

Li Erzirom, Qers û Erdexanê bandora berf û sermayê berdewam e.

Navenda bajarê Erziromê û avahiyên dîrokî bi berfê sipî venixumîn.

Piştî berfa ku sibehê zû dest pê kir, li navenda bajêr Medreseya Cot Minare, Keleha Erziromê, Medreseya Yaqûtiyê, kuçe û kolan bi berfê venixumîn.

Li bajêrê ku bi şev germahiya hewayê bi qasî 6 pileyan lê daket binê sifirê, li serbanan şembelîlk çêbûn.

- Qers

Li Qersê berfa ku duhê şevê din lê kir, sibehê cihê xwe ji serma û seqemê ra hişt.

Li siruşta ku piştî berfê sipî bû, ajelên kovî li xwarinê geriyan.

Li navçeya Sariqamîşê bandora berf û sermayê berdewam e.

Li navçeya ku barîna berfê 3 roj e berdewam e, qalindahiya berfê gihişt 30 santîmetroyî.

Ekîbên Şaredariya Sariqamîşê li kuçe û kolanan xebatên maliştina berfê diajon.

Welatiyan berfa li ser wesayitên xwe, ya li ber deriyê mal û kargehên xwe vemaliştin.

- Erdexan

Li Erdexanê berf û serma didome.

Li cihên bilind ên derdora navendê berf dibare, li navenda bajêr jî ji ber hewaya sar qeşa çêbû.