Li Wan, Mûş û Bidlîsê ji ber berfê rêya 357 cih û waran hat girtin

Li Wan, Mûş û Bidlîsê ji ber barîna berfê rêya 357 cih û waran hat girtin.

Li Wanê ji ber barîna berfê ya bi şev dest pê kir, cihên bilind spîçîl bûn.

Li gorî daxuyaniya Şaredariya Bajarê Mezin a Wanê, li tevahiya bajêr ji ber şertên neyînî yên hewayê rêya 234 cih û waran hat girtin.

- Mûş

Li Mûşê duh taviya bi roj xwe nîşan da, berêvarê vegerand berfê.

Sekreterê Giştî yê Rêveberiya Taybet a Parêzgehê Şeyhmus Yentur diyar kir, ji ber barîna zêde ya berfê rêya 75 gundan hat girtin.

- Hekarî

Li gorî agahiya ji Rêveberiya Taybet a Parêzgehê hat wergirtin, rêya 4 gund û mezreyên li ser navendê ji ber şertên neyînî yên hewayê hatin girtin.

Ekîbên berfê xebata vekirina rêyan dan destpêkirin.

- Bidlîs

Midûrê Xizmetên Rê û Veguhestinê yê Rêveberiya Taybet a Parêzgehê Umît Kurtkan destnîşan kir, li bajêr ji ber barîna berfê rêya 44 gundan hat girtin.

Kurtkan diyar kir ku ji bo vekirina rêyên gundan, ekîb xebatên xwe didomînin.