Mala jiyana beyanî: Parka Neteweyî ya Geliyê Munzurê

Xêncî Parka Neteweyî ya Geliyê Munzurê ya ji parkên herî mezin ên Tirkiyeyê li Tunceliyê geliyên Pulumur, Taxar, Mircan û Havaçorê jî hene. Herêm zivistanê çîl û sipî dibe havînê jî kesk û hêşin dibe.

Parka Neteweyî ya Geliyê Munzurê ya ji 42 hezar hektar erdî pêk tê bi çem, cureyên nebatan, şirşirneg, cisnên endemîk çar demsalan balê dikişîne.

Her sal ji nav û dervayê weltê bi hezaran ziyaretvan tên parka neteweyî, li gor qeydan 1518 cure nebat hene û ji wan 227 nebat cureyên endemîk in.

Li parka neteweyî çivîk, mar, miş, malqîzer, gur, hirç, masî û gelek cure heywan dijîn û bi taybetî di mehên gula û tebaxê da bizinkovî, hirça boz, pezkovî, werşeq, rovî, gur, beraz û simolek tên dîtin.

Li gor qeydan li herêmê 121 cure pilo hene û di nav kulîlk û nebatan da dîmenên xweşik derdixin holê. Parka biharê rengîn dibe eleqeyê ji wênekêşan dibîne.

Wênekêşên ji der û dorê tên herêmê li ciyên bilind wêneyên hirçên boz û bizinkoviyan dikişînin.

- "Tê gotin ku li parkê parsa pilinga anadoluyê dijî"

Malîk Kayayê wênekêşê tebîetê daxuyanî da nûçegihanê AAyê û diyar kir ku xêncî berhmên dîrokî û çandî wêneyên heywanan û tebîetê jî dikişîne.

Kaya diyar kir ku Munzur her demsalê xweşik e li parkên gelek heywanên beyanî û kovî dijîn û gelek cure nebat hêşin dibin.

Kaya wiha axivî: "Dema li parka neteweyî digerin gelek nebat û heywanan dibînin. Li parkê bizinkovî, pezkkovî, werşeq, hirç, gur û kêrgûşk hene. Tê gotin ku li parkê parsa pilinga anadoluyê jî dijî."