Serokê Berwext ê Meclisê Devlet Bahçeli peywir ji Mustafa Şentop wergirt

Serokê Giştî yê MHPyê û Parlamenterê Osmaniyeyê Devlet Bahçeli peywira Serokatiya Berwext a Meclisê ji Mustafa Şentop wergirt.

Şentop di axafina xwe ya li merasima destguhertinê ya li meqama Serokatiyê da diyar kir, di encama hilbijartina parlamentoyê ya Serdema 28em da Meclis pêk hat.

Şentop diyar kir ku Meclis îro dê cara ewil kom bibe û Serdema 28em dê dest pê bike.

Şentop mohra Serokatiya Meclisê radestî Bahçeli kir û baqek kulîlk dayê.

Piştî merasima destguhertinê li ber Abîdeya Ataturk a Meclisê merasim hat lidarxistin. Serokê Berwext ê Meclisê Bahçeli û parlamenter beşdarî merasimê bûn.

Piştî Bahçeli çeleng danî ber abîdeyê, rawestana rêznîşandanê pêk hat û Marşa Îstiqlalê hat xwendin.