Faîlên êrîşa bombeyî ya li ber Gara Enqereyê bê ceza neman

ANKARA

Tirkiye di 10ê Cotmeha 2015an da di dîroka xwe da bi êrîşa terorê ya herî bixwîn ra rûbirû ma.

Du mensûbên rêxistina terorê DAEŞê li hemberî "Mitînga Ked, Aştî û Demokrasiyê" ya ku li ber Gara Enqereyê bi beşdariya bi sedan kesên ji parêzgehên cuda cuda dest pê kiribû, du êrîşên xwekujiyê pêk anîbûn û di êrîşê da 100 sivîl hatibûn kuştin, 391 kes jî birîndar bibûn.

Êrîş di dîroka Tirkiyê da wekî êrîşa herî bixwîn ket nava qeydan û ji ser vê êrîşê ra 3 sal derbas bûn.

Sala 2015an a ku gelek geşedanên girîng qewimîn rêxistinên terorê PKK û DAEŞê li hemberî sivîlan pey hev êrîşên bibombe pêk anîn.

Di 20ê Tîrmeha 2015an da li hemberî gruba ku li ber navenda çandê ya Şaredariya Sirûcê daxuyaniya çapemeniyê dida, "êrîşa xwekujiyê" pêk hat û 34 kes hatin kuştin.

Heyama ku bandora qetlîamê hê dewam dikir îcar di 10ê cotmehê da li Gara Enqereyê DAEŞê rûyê xwe yê bixwîn da nîşan û cardin sivîl kirin hedefa xwe. Di 2 êrîşên xwekujiyê da jê 2 zarok 100 sivîl hatin kuştin, 391 kes jî birîndar bûn.

- Faîl bê ceza neman

Îdianameya Serdozgeriya Komarê ya Enqereyê ya der barê êrîşa terorê de amade kiribû di 13ê tîrmeha sala 2016an de ji hêla Dadgeha Cezaya Giran a 4emîn ve hat qebûlkirin.

Rûniştina ewil 7ê mijdara sala 2016an hat kirin û 3yê tebaxa sala 2018an jî biryar hat dayîn. Di vê pevajoyê da 55 rûniştin hatin kirin û mehkemeyê 545 gilîdar û şahid guhdar kirin.

Mehkemeyê di encamên rûniştinan de ji ber sûcê "kuştina 100 kesî ya mexsûs" ji her yekî ra 100 carî, ji ber sûcê "pêpeskirina destûrê" ji bo her yekî carekê bi tevahî 101 car muebeda girankirî ceza da.

Di doza li pêşiya Gara Enqereyê qewimîbû da ji bilî cezayê heta hetayê ji ber teşebusa kuştina 20ê wan zarok 391 kesan jî 10 hezar û 557 sal cezayê hepsê jî dan şikbaran.

Navê kesên ku hatin cezakirin ev e: "Abdulmubtalîp Demir, Talha Guneş, Metîn Akaltin, Yakub Şahîn, Hakan Şahîn, Îbrahîm Halîl Alçay, Resul Demir, Haci Alî Durmaz û Huseyîn Tunç."