Önder Beyter
20 Nîsan 2020•Rojanekirin: 21 Nîsan 2020
Li Edremîta navçeya Balikesirê gule berdan cendirmeyan û di encamê da du esker birîndar bûn.
Li gorî agahiyê, li Taxa Kadikoyê li dijî ekîba cendirmeyê ku li kêleka navendeke danûsitandinê operasyona hişbirê bi rê va dibir, gule hatin agirkirin.
Di êrîşê da du çawişên pispor birîndar bûn, A.T. û M.D. ku hat îdiakirin gule agir kirin, ligel 2 kesên din bi wesayîtê revîn.
Eskerên birîndar ji hêla ekîbên tenduristiyê bo Nexweşxaneya Dewletê ya Edremîtê hatin veguhestin.
Berşik bi destê ekîbên polêsan li xaçerêya qirajê hatin girtin.
- Tedawiya wan dewam dike
Di daxuyaniya Walîtiya Balikesirê da hat diyarkirin ku tedawiya çawişên pispor ên birîndar dewam dike.
Di daxuyaniyê da wiha hat gotin, "Rewşa tenduristiya herdu çawişên me yên pispor ku li Edremîta navçeya Balikesirê di operasyona hişbirê da birîndar bûn, ber bi başbûnê diçe."
Hat ragihandin ku lêpirsîn bi şêweyeke piralî dewam dike.
