Li Sariqamîşê formaya werzişê da hezar zarokî

Li Sariqamîşa navçeya Qersê, şaredariyê formaya werzişê da beşdarên dibistana werzişê ya havînê û her wiha qedera hezar zarokên şêniyên navçeyê.

Di bernameya li Salona Werzişê ya Navenda Ciwaniyê ya Sariqamîşê da wek diyarî forma dan beşdarên dibistana werzişê ya havînê û her wiha qedera hezar zarokên şêniyên navçeyê yên temenê wan di navbera 8-15 salî da ye.

Enîs Aslantatarê Qaymeqamê Sariqamîşê di bernameyê da axivî û bal kişand ku Navenda Ciwaniyê ji bo zarok û ciwanan cihekî giring ê perwerde û geşepêdanê ye.

Serdar Kiliçê Şaredarê Sariqamîşê jî bal kişand ku ji bo geşepêdana zarokan ew digel hemû saziyan bi hemahengî dixebitin.