وەزیری دادی تورکیا: "ڕێکارەکانی یاسای چوارچێوەی لەسەر بنەمای دەستوور و دەوڵەتی یاسا و هەستیارییەکانی گەل بەڕێوەدەبرێن"

وەزیری دادی تورکیا، ئاکن گیورلەک سەبارەت بە پێشنیاری یاسای تایبەت بە بەهێزکردنی هاودەنگی نیشتمانیی و یەکگرتووی کۆمەڵایەتیی، ڕایگەیاند: "لەو پێشنیارەی هاتووەتە ڕۆژەڤی پەرلەمانمان، هیچ ڕێکخستنێک بۆ ئەوانە نییە فەرمانی ئەنجامدانی کردەی تیرۆریستییان داوە و ئەوانەشی هێزە ئەمنییەکانمانیان شەهید کردووە. هیچ پێگەیەکی تایبەت بە هیچ کەسێک نادرێت، ئەم ڕێکخستنە بەسەر هیچ پێکهاتەیەکی دیکەدا جێبەجێ ناکرێت".

لە هەژماری خۆی لە NSosyal، وەزیری دادی تورکیا گیورلەک پەیامێکی ڤیدیۆیی سەبارەت بە پێشنیاری یاسای تایبەت بە بەهێزکردنی هاودەنگی نیشتمانیی و یەکگرتووی کۆمەڵایەتیی بڵاوکردەوە و، باسی لەوە کرد بە سەرکردایەتی سەرکۆمار ڕەجەب تەیب ئەردۆغان سەدەی تورکیا بنیات دەنێن.

سەبارەت بە پێشنیاری یاسای تایبەت بە بەهێزکردنی هاودەنگی نیشتمانیی و یەکگرتووی کۆمەڵایەتیی، گیورلەک ڕایگەیاند: "لەو پێشنیارەی هاتووەتە ڕۆژەڤی پەرلەمانمان، هیچ ڕێکخستنێک بۆ ئەوانە نییە فەرمانی ئەنجامدانی کردەی تیرۆریستییان داوە و ئەوانەشی هێزە ئەمنییەکانمانیان شەهید کردووە. هیچ پێگەیەکی تایبەت بە هیچ کەسێک نادرێت، ئەم ڕێکخستنە بەسەر هیچ پێکهاتەیەکی دیکەدا جێبەجێ ناکرێت".

گوتیشی: "بۆ ئەوەی حوکمەکانی پێشنیارەکە جێبەجێ بکرێن، دەبێت بوونی کردەیی ڕێکخراوی تیرۆریستی بە تەواوی کۆتایی بێت. دەبێت گشت چەک و تەقەمەنییەکانی ژێر کۆنترۆڵی بەبێ کەمکوڕی و بە یەکجاری لەناو ببرێن".

گیورلەک باسی لەوە کرد کە هەموو ڕێکارەکان لە چوارچێوەی بنەماکانی دەستوور و دەوڵەتی یاسا و بە ڕەچاوکردنی هەستیارییەکانی گەلەکەمان بەڕێوەدەبرێن و، گوتی: "هەستیارییەکانی خێزانی شەهیدانمان وغازییە قارەمانەکانمان دەبێتە پێوەری سەرەکی پرۆسەکە".