لە دیاربەکر پارکی برایەتی دروست دەکرێت

دیاربەکر- AA

بە مەبەستی زیاتر سەوزکردنی شاری دیاربەکر، لەسەر رووبەڕی ٤٠ هەزار مەتردووجا، پارکێکی گەورە دروست دەکرێت و لە ئێستادا چەندین شۆفڵ و حەفارە سەرقاڵی کاری هەڵکەندن و پاشان پرۆژەی ئاودێری و کارەبا و ئاوەڕۆ و ئینتەرنێتی بۆ رادەکێشن.

پارکەکە چەندین شوێنی تایبەت بە وەرزش، یاری منداڵان، پیاسەکردن و لێخوڕینی پاسکیلی دەبێت و لەسەر ئەو رووبەرو سێ هەزار و ٢٣٠ دار دەڕوێنرێن.

بڕیارە پرۆژەکە لە مانگی ئایاری داهاتوودا تەواو بێت.

بەڕێوەبەری پارک و باخچەکانی دیاربەکر، سەعید کڵچ ئاماژەی بەوەدا کە ئامانج لە دروستکردنی ئەو پارکە دروستکردنی ناوچەیەکی خۆش و دڵگیرە لە رووی کۆمەڵایەتی و کولتووری و وەرزشەوە بۆ هەموو لایەک، هاوکات بەدەستهێنانی رێژەیەکی زۆرتری سەوزایی.