پەیوەندی تەلەفۆنی ئەردۆغان لەگەڵ مێرکڵ و ستۆڵتنبێرگ

لە پەیوەندی تەلەفۆنی نێوان سکرتێری گشتی ناتۆ و سەرکۆماری تورکیا رەجەب تەیب ئەردۆغان، ستۆڵتنبێرگ رایگەیاندووە کە کودەتا لە وڵاتێکی ئەندامی ناتۆ شوێنی نییە و رێگە بە ھەوڵی ئەنجامدانی کودەتا نادەن. جەختیشی لە پاڵپشتی ناتۆ لە دەسەڵاتی ھەڵبژێراوی تورکیا کردەوە.

ئیستانبوڵ

سەرکۆماری تورکیا رەجەب تەیب ئەردۆغان لە بەرامبەر ھەوڵی کودەتای سەربازانی سەر بە رێکخراوی تیرۆریستی فەتحوڵاچی، پەیامی پاڵپشتی لە راوێژکاری ئەڵمانیا ئەنجێلا مێرکڵ و سکرتێری گشتی ناتۆ ستۆڵتنبێرگ پێگەیشت.

بەپێی ئەو زانیاریانەی کە لە سەرچاوەکانی سەرۆکایەتی کۆمار وەرگیراون، لە پەیوەندی تەلەفۆنی نێوان راوێژکاری ئەڵمانیا ئەنجێلا مێرکل و سەرکۆماری تورکیا رەجەب تەیب ئەردۆغان، مێرکل رایگەیاندووە کە ھەوڵی کودەتا جێگەی قبوڵکردن نییە و پاڵپشتی لە دەسەڵاتی ھەڵبژێراوی تورکیا دەکەن.

ھاوکات لە پەیوەندی تەلەفۆنی نێوان سکرتێری گشتی ناتۆ و سەرکۆماری تورکیا رەجەب تەیب ئەردۆغان، ستۆڵتنبێرگ رایگەیاندووە کە کودەتا لە وڵاتێکی ئەندامی ناتۆ شوێنی نییە و رێگە بە ھەوڵی ئەنجامدانی کودەتا نادەن. جەختیشی لە پاڵپشتی ناتۆ لە دەسەڵاتی ھەڵبژێراوی تورکیا کردەوە.