ئیستانبوڵ.. دەستگیرکردنی ١٣ گومانلێكراوی تەقینەوەکەی فڕۆكه‌خانه‌ی ئه‌تاتورك

له‌چوارچێوه‌ی لێكۆڵینه‌وه‌ له‌ په‌لاماره‌كه‌ی فڕۆكه‌خانه‌ی ئه‌تاتورك، ئۆپه‌راسیۆن بۆسه‌ر ١٦ ناونیشان ئه‌نجام درا و ١٣ گومانلێكراو ده‌ستبه‌سه‌ركران كه‌ سیانیان بیانین.

به‌پێی ئه‌و زانیارییانه‌ی ده‌ست ئانادۆڵو كه‌وتووه‌، تیمه‌كانی سه‌ربه‌ به‌ڕێوه‌به‌رایه‌تیی هۆبه‌ی به‌ره‌نگاربوونه‌وه‌ی تیرۆر به‌یانیی ئه‌مڕۆ ئۆپه‌راسیۆنیان بۆسه‌ر ١٦ ناونیشان له‌ناو ئیستانبوڵ ئه‌نجام داوه‌.

له‌ ئۆپه‌راسیۆنه‌كه‌دا ١٣ گومانلێكراو ده‌ستبه‌سه‌ركران كه‌ سیانیان بیانین.

گومانلێكراوه‌كان دوای پشكنینی پزیشكی، ره‌وانه‌ی به‌ڕێوه‌به‌رایه‌تیی ئاسایشی ئیستانبوڵ كران.