ئەردۆغان: "قۆناغە سەختەکان، بڕیاری قورسیان دەوێت"

ئەنقەرە - AA

سەرکۆماری تورکیا، رەجەب تەیب ئەردۆغان رایگەیاند "قۆناغە سەختەکان، بڕیاری قورسیان دەوێت. ئێمەش لە دەرکردنی بڕیار و جێبەجێکردنی بەگوێرەی گرنگیی ئەو دۆخەی کە وڵاتەکەمان پیایدا تێدەپەڕێت، سڵناکەینەوە".

سەرکۆماری تورکیا، گوتی: "ھەر کەسێک بڵێت بچووکترین سێبەر لەسەر ئەم ھەڵبژاردنانە (سەرکۆمار و ٢٧ـەمین خولی پەرلەمان) ھەیە، بوختان دەکات ھەم بۆ دیموکراسی ھەمیش بۆ تورکیا".

سەرکۆمار، ئەردۆغان گوتیشی: "لە ھەوڵی چارەسەرکردنی تەواوی ئەو پێشھاتانەداین کە کاریگەریی نەرێنییان کردووتە سەر ئابووریمان بەرلە ھەموویان بەرزبوونەوە ونزمبوونەوەی نرخی دراوەکان، بێ ئەوەی لە چوارچێوەی بازاڕی ئازاد بچێتە دەرەوە".