باڵیۆزی ئیسرائیل لە ئەنقەرە پەڕاوی باوەڕپێکردنی پێشکەش بە ئەردۆغان کرد

ئەنقەرە – AA

سەرکۆماری تورکیا، رەجەب تەیب ئەردۆغان پێشوازی کرد لە باڵیۆزی نوێی ئیسرائیل لە ئەنقەرە، ئیریت لیلیان.

پێشوازییەکە لە کۆشکی کۆماریی ئەنجام درا و لە میانیدا، ئیریت لیلیان پەڕاوی باوەڕپێکردنی پێشکەش بە سەرکۆمار ئەردۆغان کرد.

لە وەڵامی ئیریت لیلیان-دا کە بەتورکی لە سەرکۆمار ئەردۆغان-ی پرسی "چۆنن؟"، ئەردۆغان گوتی: "سەلامەت بن، ئێوە چۆنن؟".

دوای پێشکەشکردنی ژمارەیەک لە کارمەندانی باڵیۆزخانەی ئیسرائیل لە ئەنقەرە لەلایەن ئیریت لیلیان-ەوە بە سەرکۆمار ئەردۆغان، وێنەی یادگاری لیلیان و شاندی یاوەری لەگەڵ سەرکۆماردا چرکێندرا.