تورکیا.. کەوتنەخوارەوەی گوللـە هاوەنێک لە شارۆچکەی رەیحانلی

ھاتای - AA

گوللـە هاوەنێک لە عەفرینی ژێر داگیرکاری رێکخراوی تیرۆریستی، ئاراستەی شارۆچکەی رەیحانلی سەر بە پارێزگای ھاتای کرا و بەر بەرژینی باخچەی خانوویەک کەوت.

ئەو گوللـە هاوەنە لە لایەن چەکدارانی پەیەدە/پەکەکەوە ئاراستەی رەیحانلی کرا و بە بەر بەرژینی باخچەی خانوویەک کەوت لە گەڕەکی فیدانلیکی ئەو شارۆچکەیە.

بەھۆی کاریگەری تەقینەوەی ئەو گوللـە هاوەنە، زیان بە بەشێکی خانووەکانی گەڕەکەکە کەوتووە.

بەپێی زانیارییە سەرەتاییەکان، رووداوەکە ھیچ زیانێکی گیانی لێ نەکەوتوەتەوە و داوای رووداوەکە تیمەکانی فریاکەوتن و ئەمنی رەوانەی ناوچەکە کراون.