جوانی شاری ئەرزەڕۆم لە وەرزی زستاندا

ئەرزەڕۆم- AA

شاری ئەرزەڕۆم کە ئەستێرەی گەشتوگوزاری زستانەی تورکیا-یە، خاوەنی ناوەندی خلیسکێنەی پالاندۆکان و چەند ناوەندێکی دیکەیە و لە وەرزی زستاندا دەبێتە جێگای سەرنجی ئەو کەسانەی حەزیان بە شاخەوانی، خلیسکێنەی سەر بەفر و پەڕەشوتە.

ساڵ بە ساڵ بایەخی گەشتیاران بۆ ئەم شارە زیاتر دەبێت، بەتایبەت شارۆچکەی ئوزوندەرە کە لە وەرزی هاویندا، دیمەنێکی سەرنجڕاکێشی هەیە لە وەرزی زستانیشدا شوێنێکی دڵڕفێنە، دیمەنی تاڤگەی ناو شارۆچکەکە کە بەهۆی سەرماوە بەشێکی زۆری بەستویەتی، بووەتە جێگای سەرنجی گەشتیاران.