سزای زیندانی بەسەر برای سەردەستەی فەتۆ سەپێنرا

ئیزمیر - AA

سزای زیندانی ١٠ ساڵ و شەش مانگ بەسەر قوتبەدین گولەن، برای سەردەستەی فەتۆ، فەتحوڵڵا گولەن سەپێنرا.

قوتبەدین گولەن بە رێگەی سیستەمی گواستنەوەی دەنگ و رەنگ بەشداری لە دانیشتنی ھۆی ١٤یەمینی سزای قورسی ئیزمیر کرد و پارێزەرانی ناوبراویش بە شێوەیەکی راستەوخۆ ئامادەی دانیشتنەکە بوون.

داواکاری گشتی بەپێی ئەو بەڵگانەی بەدەستیکەوتوون، بە تۆمەتی "ئەندامبوون لە رێکخراوی تیرۆریستی چەکدار" داوای سزادان و بەردەوامی دەستبەسەرکردنی بۆ قوتبەدین گولەن کرد.

لە بەرامبەر ئەمەش قوتبەدین گولەن گشت ئەو تۆمەتانەی رەتکردەوە کە ئاراستەی کراون و بە بیانووی کێشەی تەندروستی داوای ئازادکردنی لە دادگا کرد.

دواتریش دادگا بە تۆمەتی "ئەندامبوون لە رێکخراوی تیرۆریستی چەکدار" سزای زیندانی ١٠ ساڵ و شەش مانگ بەسەر قوتبەدین گولەن، برای سەردەستەی فەتۆ، فەتحوڵڵا گولەن سەپاند.