لە خۆرهەڵاتی تورکیا کڕێوە و سەهۆڵبەندان دەستپێدەکات

ئەرزەڕۆم - AA

لە ناوچەی ئانادۆڵوی خۆرهەڵات، پیشبینی سەهۆڵبەندان و بەستنی رێگاوبان دەکرێت.

لە راگەیەندراوێکدا کە لە لایەن بەڕێوەبەرایەتی کەشناسییەوە بڵاوکراوەتەوە، ئاماژە بەوەکراوە پێشبینی دەکرێت ئاسمان هەور بێت و پلەکانی گەرما لە ئاستی ئاسایی ئەم وەرزەدا بن.

هەروەها ئاماژە بەوەکراوە با لە باشوورەوە بە خێراییەکی کەم دێت و ناوەناوە گوڕەکەی بۆ ئاستی مامناوەند بەرزدەبێتەوە و لە ئاگری بەفر و لە دەورووبەری ئیدر بارانی بەلێزمە دەبارێت.

شەوان نزمترین پلەکانی گەرما لە ئیدر پێنج پلە و لە ئاگری سفر و لە ئەردەخان -٤ و لە قەرس -٣ و لە ئەرزەڕۆم -٢ و لە ئەرزینجان -١ دەبێت.

بەرزترین پلەی گەرمیی پێشبینیکراویش بە درێژایی رۆژ لە ئیدر ٨ پلە و لە ئاگری و ئەردەخان و ئەرزەڕۆم ٣ پلە و لە قەرس ٢ پلە و لە ئەرزینجان ٧ پلە دەبێت.

ئاستی بەفر لە ناوەندەکانی خلیسکان لەسەر بەفر لە پاڵاندۆکەنی ئەرزەڕۆم ٣٤ سانتیمەتر، لە ساریکامشی قەرس ٣٠ سانتیمەتر و لە ئەرگانی ئەرزینجان ١٠ سانتیمەتر بووە.

کاربەدەستانی کەشناسیی داوا لە هاووڵاتییان دەکەن بەتایبەت بەشەوان و سەرلەبەیانیان ئاگاداری سەهۆڵبەندان و بەستنی رێگاوبانەکان و تەم بن.