لە قەرس و ئەردەخان لە مانگی ئایاردا بەفر باری

قەرس - AA

وێڕای ئەوەی لە دووەم مانگی وەرزی بەهارداین، بەڵام لە پارێزگاکانی قەرس و ئەردەخان بەفر باری.

بەهۆی بەفربارینەوە ژمارەیەک گوند سپیپۆش بوون و لە هەندێک شوێنیش رێگاکان بەستیان ئەمەش گرفتی هاتوچۆی بۆ شۆفێران دروست کرد.

دوێنێ، بەفربارین لە قەزای ساریکامیش سەربە پارێزگای قەرس دەستی پێ کرد و بەشێوەی پچڕپچڕ بەردەوام بوو. درەخت و رووەکەکان بە بەفر سپی بوون و شۆفێرانیش لە کاتی هاتوچۆدا دووچاری سەختی بوون.

هەروەها لە گوندەکانی ئاسبۆغا و عەلیسۆفوی سەر بەو قەزایە، زەوییە کشتوکاڵییەکان بە بەفر داپۆشران و بەشێک لە جووتیارانیش هەوڵیاندا لەژێر بەفردا تۆوو بچێنن.

یەکێک لە دانیشتوانی ناوچەکە بە ناوی شەنای ڤانلی باسی لە دابەزینی پلەکانی گەرما کرد و گوتی: "وەک دەبینن لە مانگی ئایاردا، هەموو شوێنێک بە بەفر داپۆشراوە و کێڵگەکان سپی پۆش بوون".

بەهەمان شێوە لە پارێزگای ئەردەخان-یش بەفر بەرزاییەکانی سپی کرد.

لە ناوەندی پارێزگاکەش بۆ ماوەیەکی کەم بەفر باری.