لە هەکاری بەهۆی بارانی بەلێزمە ئاو چووە ماڵێکەوە

هەکاری - AA

ماوەی دوو رۆژە بارانی بەلێزمە پارێزگای هەکاری گرتووەتەوە و لە ئەنجامی سەرڕێژبوونی مەنهۆڵەکاندا ئاو چووە ناو ماڵێکەوە.

بارانی بەلێزمە بووە هۆی پڕبوونی بەشێک لە مەنهۆڵەکانی پارێزگای هەکاری و لە ئاکامدا ئاو چووە نهۆمی ژێرزەمینی بینایەکی دوو نهۆمییەوە و زیانی بە کەلوپەلەکانی ناو بیناکە گەیاند.

خاوەنی خانووەکە بە هاوکاری دراوسێکان و تیمی تایبەتی شارەوانی ئاوەکەیان رادا.

حەکیم ئاجار یەکێکە لە دانیشتوانی ماڵەکە و باسی لەوە کرد کە بەهۆی سەرڕێژبوونی مەنهۆڵێکی پشت ماڵەکەیانەوە ئاو چووەتە ماڵیانەوە و رایگەیاند: "هەموو کەلوپەلەکانمان بوون بەژێر ئاوەوە. بەهاوکاری دراوسێکانمان و تیمی شارەوانی ئاوەکەمان رادا. پێویستە مەنهۆڵی باشتر بۆ ئێرە دروست بکرێت. ئێمە لە رەوشێکی سەختداین و چاوەڕێی هاوکاری حکوومەتین".

ئەو بارانە بەلێزمەیەی ماوەی دوو رۆژە ناوچەکەی گرتووەتەوە لە بەرزاییەکاندا گۆڕا بۆ بەفر.