چاوشئۆغڵو: ''رژێمی سووریا هێرش دەکاتە سەر ئۆپۆزسیۆنی میانڕەو''

ئەنقەرە - AA

وەزیری دەرەوەی تورکیا، مەولود چاوشئۆغڵو رایگەیاند، هێزەکانی رژێمی سووریا بە بیانووی بەرەنگاربوونەوەی بەرەی نوسرە هێزە میانڕەوەکانی ئۆپۆزسیۆنیش دەکاتە ئامانج و ئەمەش کارێکە کە دەبێتە مایەی پەکخستنی پرۆسەی چارەسەری سیاسیی.

مەولود چاوشئۆغڵو لە وەڵامی پرسیارێکی رۆژنامەواناندا لە پەرلەمانی تورکیا سەبارەت بە رووداوەکانی ئیدلب گوتی: ''هێزەکانی رژێم بە بیانووی بەرەنگاربوونەوەی بەرەی نوسرە هێزە میانڕەوەکانی ئۆپۆزسیۆنیش دەکاتە ئامانج و ئەمەش کارێکە کە دەبێتە مایەی پەکخستنی پرۆسەی چارەسەری سیاسیی. پێویستە ئەو لایەنانەی کە بڕیارە لە سۆچی کۆببنەوە، ئەمە نەکەن''.