کورتوڵموش: "ئیتر تیرۆر سنووری نییە"

ئادیامان - AA
جێگری سەرۆکوەزیرانی تورکیا، نومان کورتوڵموش (لەبارەی پەلامارە تیرۆریستییەکەی بەریتانیا) گوتی: ''جارێکی دیکە ئەوەمان بینی کە پێویستە بەھیچ شێوەیەک جیاکاریی لەنێوان رێکخراوە تیرۆریستییەکاندا نەکەن. ھەموو شوێنێکی جیھان ئامانجی تیرۆرە. ھەموو شارێکی گەورە لەژێر مەترسیدایە، ھەموو فڕۆکەخانەکانی جیھان، میترۆکان، ھەموو شوێنەکان ئەگەری ئەوەی ھەیە ھێرشی تیرۆریستیی تێیاندا ئەنجام بدرێت. ھەربۆیە پێویستە بێ ئەوەی ھیچ جیاکارییەک بکەین، ھەموومان پێکەوە لەبەرەی مرۆڤایەتییدا یەکبگرین و لەبەرامبەر ئەو تاوانە دژە مرۆڤایەتییەدا، خەبات بکەین و بەرەنگاری بینەوە''.
جێگری سەرۆکوەزیرانی تورکیا، نومان کورتوڵموش رایگەیاند کە دوینێ لە بەریتانیا ھێرشێکی تیرۆریستی ئەنجامدراوە و ئەم رووداوەش رۆژەڤی سەرقاڵ کردووە.
راشیگەیاند کە ئەوان وەک کۆمار و گەلی تورکیا سەرەخۆشی خۆیان ئاراستەی حکوومەتی بەریتانیا و گەلی بەریتانیا دەکەن.
نومان کورتوڵموش گوتیشی: ''لە ناوەندنی بەریتانیا و لە ناوەڕاستی لەندەن، چەند ھەنگاوێک لەولای پەرلەمانەوە، ھێرشێک ئەنجامبدرێت، مایەی تێڕامانی زۆرە. چیتر تیرۆر سنووری نییە. بەداخەوە سنووردارکردنێک لەشێوەی ئەوەی کە ئەو وڵاتە، ئەو ناوچەیە، ئەو شارە، ئەو ناوچەیەی ئەو شارە دەبێتە موخاتەبی تیرۆر، ناتوانرێت ئەنجامبدرێت. تیرۆر ئەوەی ئاشکراکردووە کە دەتوانێت لەھەموو شوێنێکی جیھان بوونی ھەبێت''.
جێگری سەرۆکوەزیرانی تورکیا، نومان کورتوڵموش هەروەها لەبارەی پێدانی مافی پەنابەرێتی بەئەفسەرانی پێشووی تورکیا کە سەربە رێکخراوی تیرۆریستی فەتۆن لەلایەن نەرویجەوە، گوتی: "رووداوی ١٥ی تەمووز ھێرشێکی تیرۆریستی ئاشکرایە. رووداوی ١٥ی تەمووز ھەوڵێکی کودەتایە بەمەبەستی رووخاندنی تورکیا. ھەولێکی کودەتایە بۆ خزاندنی ئەم گەلە بۆ ناو شەڕێکی ناوخۆیی. داوای مافی پەنابەریەتی لەلایەن ئەم ئەفسەرانەی سەربە فەتۆ خۆی لە خۆیدا دانپێدانانە بەوەی کە بەشێکن لەو ھەوڵەی کودەتا. بۆ باوەش دەکەنەوە بۆ ئەو کەسانەی کە بەئاشکرا دەڵێن ئێمە کودەتاچین و سەربە فەتۆین".
نومان کورتوڵموش لەبارەی پەلامارە تیرۆریستییەکەی بەریتانیا زیاتر گوتیشی: ''ئەوەی کە ھەمووان، ھەموو جیھان، سەرجەم کۆمەڵگەی نێودەوڵەتی، ھۆشی بێتەوە بەر خۆی و بەرەیەکی مرۆڤایەتی دژبە تیرۆر پێکبھێنرێت، جارێکی دیکە دەرکەوت کە چەند گرنگ و چارەنووسسازە. پرسە و سەرەخۆشی خۆمان ئاراستەی کەسوکاری قوربانیان و گەلی بەریتانیا دەکەین''.