یوکسەکۆڤا.. دەستبەسەرکردنی ژمارەیەک گومانلێکراو گرژی لێ کەوتەوە

تیمەکانی پۆلیسی سەر بە بەڕێوەبەرایەتی ئاسایشی شارۆچکەکە ئۆپەراسیۆنێکیان بۆ سەر شوێنێکی کار ساز کرد. لە کاتێکدا لە ئۆپەراسیۆنەکەدا ژمارەیەک گومانلێکراویان دەستبەسەر کرد، ئەو هاووڵاتییانەی لەو دەورووبەری کۆببوونەوە کاردانەوەیان بەرامبەر بە تیمەکانی پۆلیس نیشان دا.

لەدوای ئەوەش کە پۆلیس لە رێگەی گازی فرمێسکڕێژەوە وەڵامی کاردانەوەی هاووڵاتییەکانی دایەوە و بڵاوەی پێ کردن، دەنگی تەقە و تەقینەوە دەبیسترا.

دووکاندارەکانی ناوچەکە بەهۆی رووداوەکەوە کارەکانیان لێ تێکچووە، دووکانەکانیان داخست و گرژییەکان لە شارۆچکەکە بەردەوامە.