یڵدرم: "٧ی مانگ پڕۆژه‌كانمان بۆ ئیستانبوڵ راده‌گه‌یه‌نین"

ئیستانبوڵ – AA

سه‌رۆكی په‌رله‌مانی توركیا و كاندیدی ئاك پارتی بۆ سه‌رۆكی شاره‌وانی ئیستانبوڵ بینالی یڵدرم، رایگه‌یاند: "له‌باره‌ی پڕۆژه‌كانمان بۆ ئیستانبوڵ له‌ ٧ی كانوونی دووه‌م كه‌ ده‌كاته‌ رۆژی دووشه‌ممه‌ كۆبوونه‌وه‌یه‌ك له‌گه‌ڵ میدیاكاران ئه‌نجام ده‌ده‌ین. له‌وێ سه‌ره‌داوی پڕۆژه‌كان ده‌خه‌ینه‌ روو".

یڵدرم ئاماژه‌ی به‌وه‌ دا كه‌ تا ئێستا دوو کاندید دیاری کراوە. یەکێکیان لە هاوپەیمانیی جمهوور، کاندیدەکەی تریشیان لە هاوپەیمانیی میللەت ئەکرەم ئیمامئۆغڵو-ە، گوتی: "پێیدەڵێم خێردارە. هیوای سەرکەوتنی بۆ دەخوازم".

بینالی یڵدرم رووی ده‌می كرده‌ خه‌ڵكی ئیستانبوڵ و گوتی: "به‌ناوی خۆم و هاوڕێكانمه‌وه‌ به‌ڵێن ده‌ده‌ین خوا یار بێت ته‌نها خزمه‌تی خه‌ڵكی ئیستانبوڵ ناكه‌ین به‌ڵكو جێی خۆمان له‌ دڵیاندا ده‌كه‌ینه‌وه‌ و شادییان ده‌كه‌ین به‌ ئاسووده‌یی. له‌باره‌ی پڕۆژه‌كانمان بۆ ئیستانبوڵ له‌ ٧ی كانوونی دووه‌م كه‌ ده‌كاته‌ رۆژی دووشه‌ممه‌ كۆبوونه‌وه‌یه‌ك له‌گه‌ڵ میدیاكاران ئه‌نجام ده‌ده‌ین. له‌وێ سه‌ره‌داوی پڕۆژه‌كان ده‌خه‌ینه‌ روو. له‌ ١٥ی مانگیشه‌وه‌ كاندیدانمان بۆ سه‌رۆك شاره‌وانی شارۆچكه‌كان(ی بازنه‌ی ئیستانبوڵ) به‌ چڕی پڕۆژه‌ و پێشنیاره‌كانیان به‌شێوه‌یه‌ك باس ده‌كه‌ن كه‌ وه‌ڵامگۆی داواكارییه‌كانی خه‌ڵكی ئیستانبوڵ بێت له‌ ئێمه‌".