ئیندۆنێزیا : "گشت چالاکییەکانی فەتۆ حەڕامە"

ئەنقەرە - AA

ئەنجوومەنی زانایانی سۆفی ئاسیا و ئەنجوومەنی زانایانی سۆفی ئیندۆنێزیا لە فەتوایەکی ھاوبەشدا، رایانگەیاند کە گشت چالاکییەکانی رێکخراوی تیرۆریستی فەتحوڵڵاچی (فەتۆ) لە جیھان و ھاوکات بەشداریکردن لەو چالاکیانە حەرامە.

ئەنجوومەنی زانایانی سۆفی ئاسیا و ئەنجوومەنی زانایانی سۆفی ئیندۆنێزیا فەتوایەکی ھاوبەشیان لەبارەی رێکخراوی تیرۆریستی فەتۆ دەرکرد و لەمبارەیەوەش راگەیەندراوێکیان بڵاوکردەوە.

لە راگەیەندراوەکەدا ئاماژە بەوە درا کە گشت چالاکییەکانی فەتۆ لە جیھان و بەشداریکردن لەو چالاکیانە حەرامە.

ھەر لە راگەیەندراوەکەدا جەخت لەوە کرایەوە کە سەردەستەی فەتۆ، فەتحوڵڵا گولەن گۆڕانکاری جددی لە تەفسیری ئایەتەکانی قورئان ئەنجامداوە، و راشگەیەنرا کە لێدوانەکانی گولەن دژی عەقیدەی ئیسلام و قورئان و سوننەتە.

لە راگەیەنراوەکەدا ھاتووە:

"گشت ئەو چالاکیانەی کە فەتحوڵڵا گولەن و لایەنگرانی لە گشت جیھان ئەنجامی دەدەن حەرامە و بەشداریکردنیش لەو چالاکیانە بە ھەمان شێوە حەڕامە".

لە راگەیەنراوەکەدا ئاماژە بەوەش کرا کە گشت بۆچوون و ھەڵسوکەوتەکانی گولەن لەبارەی سۆفیگەری ھەڵەیە و بەردەوامیشە لە زیانگەیاند بە بەھاکانی سۆفیگەری.