ئەمریکا بە رێژەی سەدا ١٠ باج دەخاتە سەر بەرھەمەکانی چین

واشنتۆن - AA

سەرۆکی ئەمریکا، دۆناڵدە ترەمپ لەکاتی بەردەوامی مشتومڕەکانی "جەنگەکانی بازرگانی" رایگەیاند کە لە ١ی ئەیلول بەملاوە سەدا ١٠ باجی زیاتریان خستووە سەر بەرھەمەکانی چینی کە بە ٣٠٠ ملیار دۆلار مەزندە دەکرێن.

سەرۆکی ئەمریکا، دۆناڵد ترەمپ لە ھەژماری تایبەتی خۆی لە تۆڕی کۆمەڵایەتی تویتەر باسی لە خستنەسەری باجی گومرکی زیاتر بۆ سەر بەرھەمەکانی چین کرد.

ترەمپ ئاماژەی بەوەدا کە شاندی ئەمریکا بەم زووانە لە چین گەڕاونەتەوە و بەر لە سێ مانگ پێش ئێستا ھیوای زۆریان ھەبووە بە دانوستان لەگەڵ ناوەندەکانی بازرگانی چین و گوتیشی: "بەداخەوە چین پێش واژووکردن دووبارە بڕیاری داوە کە دانوستان لەسەر رێککەوتنەکە بکات. لەماوەیەکی کورتدا چین لەسەر کڕینی بەرھەمەکانی کشتوکاڵی ئەمریکا رێککەوت بەڵام ئەمەی ئەنجام نەدا".

لە مانگی ئاداری ساڵی رابردووەوە، جەنگی بازرگانی لە نێوان ئەمریکا و چین دەستیپێکردووە و باجی گومرکی زیاتر دەخەنە سەر بەرھەمەکانی یەکتر.