بوومەلەرزەیەک بە گوڕی ٦،١ پلە باکووری ژاپۆنی ھەژاند

ئەنقەرە ــ AA

بوومەلەرزەیەک بە گوڕی ٦،١ پلە بە پێوەری ڕێختەر لە کەناراوەکانی پارێزگای ھۆکایدۆ باکووری ژاپۆن، ڕوویدا.

ئاژانسی کەشناسی ژاپۆن (JMA) بڵاویکردەوە، کاتژمێر ٨:٠٨ بە کاتی ناوخۆ، بوومەلەرزەیەک بە گوڕی ٦،١ پلە بەپێوەری ڕێختەر، کەناراوەکانی پارێزگای ھۆکایدۆ باکووری وڵاتی ھەژاندووە.

ڕاشیگەیاندووە کە چەقی بوومەلەرزەکە، نیمچە دوورۆگەی نیمۆرۆ باشووری ڕۆژھەڵاتی پارێزگای ھۆکایدۆ بووە.

ھاوکات دەستەی ڕادیۆ و کەناڵی ژاپۆن (NHK) بڵاوی کردەوە، ھێشتا نازانرێت کە ئایا بوومەلەرزەکە زیانی گیانیی و ماددیی لێکەوتووەتەوە یان نا.