بوومەلەرزەیەک بەگوڕی ٦،٣ پلە فلیپین-ی هەژاند

کوالا لومپور- AA

بوومەلەرزەیەک بەگوڕی ٦،٣ پلە ویلایەتی داڤاوۆ دێل سور سەربە دوورگەی مینداناۆ باشووری فلیپین-ی هەژاند.

بەگوێرەی راگەیەندراوێکی ئاژانسی گڕکان و بوومەلەرزەزانی فلیپین، بوومەلەرزەکە کاتژمێر ١٢:٢٢ بەکاتی ناوخۆ لە قوڵایی ١٥ کیلۆمەتر روویداوە.

بوومەلەرزەکە لە شارەکانی بانسالان، کیداپوان و دیگۆس هەستیپێکراوە.

دوای بوومەلەرزەکەش هیچ هۆشدارییەک لە روودانی شەپۆڵەکانی تسۆنامی نەدراوە، هەروەها بوومەلەرزەکە هیچ زیانێکی گیانی لێنەکەوتووەتەوە.