تایوان..تسای ئینگ - وین وەک یەکەمین ئافرەتی سەرۆک ھەڵبژێردرا

دوای هەڵبژاردنی 19ەمین خولی سەرۆکایەتیی تایوان تسای لنگوین وەک سەرۆکی نوێی ئەو وڵاتە هەڵبژێردرا.

تسای کە یەکەمین سەرۆکی ئافرەتی ئەو وڵاتەیە، دوای ئاهەنگ و خۆشییەکانی سەرکەوتن بەمشێوەیە بۆ راگەیاندنەکان دوا :"لەمەودوا پەیوەندییەکانی تایوان بەو شێوەیەی کە پێویستە بەهێزتر دەکەم و ئاشتەوایی لەگەڵ هەموو لایەک دەپارێزم"

ناوبراو لەبەردەم بارەگای پارتەکەیەوە ئەم وتانەی پێشکەشکرد و جەماوەرەکەیشی بەوپەڕی جۆشوخڕۆشییەوە ئاهەنگیان دەگێرا و بە چەپڵە پێشوازییان لە وتەکان دەکرد.

تسای بە رێژەی سەدا 60ی دەنگەکان ئەم پۆستەی بەدەستهێنا. ئەوە لەکاتێکدایە کە پارتی کۆومین تانگ بەهۆی نزیککەوتنەوەی لە حکومەتی چین تووشی رەخنەی زۆر بۆوە و ئەوە بووە هۆکارێکی بۆ سەرکەوتنی ناوبراو لە هەڵبژاردنەکەدا.

کاندیدی رکابەر دوای ئاشکرابوونی ئەنجامەکان دۆڕانی پەسند کرد و پیرۆزبایی لە تسای کرد.

جێی باسە 18 ملیۆن و 600 هەزار دەنگدەر بەشدارییان لە دەنگدانە کرد.

بەپێی یاسا تسای مانگی ئایاری ئەمساڵ بە شێوەیەکی فەڕمی پۆستی سەرۆکایەتیی وڵاتەکەی وەردەگرێت.