جۆ بایدن جەختی لە پاڵپشتیکردنی بەهێزی ئەمریکا بۆ ناتۆ کردەوە

واشنتۆن – AA

سەرۆکی ئەمریکا، جۆ بایدن لە کۆشکی سپی لەگەڵ سکرتێری گشتیی ناتۆ، یانس ستولتنبێرگ کۆبووەوە و جەختی لەسەر پاڵپشتیی بەھێزی وڵاتەکەی بۆ ناتۆ کردەوە.

کۆشکی سپی لە راگەیەندراوێکدا ئاماژەی بەوە داوە کە جۆ بایدن پێشوازیی لە یانس ستولتنبێرگ کردووە.

راشیگەیاندووە کە لە میانی کۆبوونەوەکەدا، دۆخی ئاسایشی نێودەوڵەتیی و ھەڵسەنگاندن بۆ ھەوڵەکانی ناتۆ بۆ پاراستنی بەرگریی ئەتڵەسی بڕ تاوتوێ کراوە و جۆ بایدن، جەختی لەسەر پاڵپشتیی بەھێزی ئەمریکا بۆ ناتۆ و گرنگیی بەھێزکردنی بەرگریی کردووەتەوە.

راگەیەندراوەکەی کۆشکی سپی، ئەوەشی ئاشکرا کردووە کە هەروەها راوێژکاری ئاسایشی نیشتمانیی ئەمریکا، جاک سولیڤان لەگەڵ سکرتێری گشتیی ناتۆ، یانس ستولتنبێرگ کۆبووەتەوە.