سووریا.. تەقینەوەیەک کوژرانی ٢٤ مەدەنی لێکەوتەوە

ئیدلب ــ AA

مێنێکی چێندراو لە دەورووبەری شاری سولەمییە رۆژھەڵاتی پارێزگای حەما ناوەڕاستی سووریا تەقییەوە و لە ئاکامدا، ٢٤ مەدەنی کوژران.

ئاژانسی ھەواڵیی سانا بڵاویکردەوە کە فەرماندەیی پۆلیسی حەما رایگەیاندووە، مێنێکی چێندراوی پاشماوەکانی داعش لە ناوچەی دۆڵی عەزیب لە دەورووبەری شاری سولەمییە رۆژھەڵاتی پارێزگای حەما بە ئۆتۆمبێڵکدا تەقیوەتەوە کە ژمارەیەک کەسی دانیشتوی ھەردوو گوندی بوستانە و سەرحە-ی دەگواستەوە بۆ کۆکردنەوەی دۆمەڵان لە ناوچەکە.

فەرماندەیی پۆلیسی حەما ئاماژەی بەوەشداوە کە لە ئاکامی تەقینەوەکەدا، ٢٤ مەدەنی کوژران.

راشیگەیاندووە کە تەرمی کوژراوەکان گواستراونەتەوە بۆ ھەردوو نەخۆشخانەی سولەمییە و حەما.