سەرکۆماری سووریا پێشوازی کرد لە شاندێکی باڵای تورکیا

ئەنقەرە ــ AA

سەرکۆماری سووریا، ئەحمەد شەرع لە دیمەشقی پایتەخت پێشوازی کرد لە شاندێکی باڵای تورکیا کە پێکھاتووە لە ھەریەک وەزیری دەرەوە، ھاکان فیدان و وەزیری بەرگریی، یاشار گولەر و سەرۆکی دەزگای ھەواڵگریی نیشتمانیی (میت)، ئیبراھیم کاڵن.

وەزارەتی دەرەوەی تورکیا لە ڕاگەیاندراوێکدا ئاماژەی بەوەداوە کە شاندێکی باڵای وڵاتەکەی لە ھەریەک وەزیری دەرەوە، ھاکان فیدان و وەزیری بەرگریی، یاشار گولەر و سەرۆکی دەزگای ھەواڵگریی نیشتمانیی (میت)، ئیبراھیم کاڵن دوای گەیشتینیان بۆ فڕۆکەخانەی نێودەوڵەتی دیمەشق لەلایەن وەزیری دەرەوەی سووریا، ئەسعەد شەیبانی و وەزیری بەرگریی ئەو وڵاتە، مورھەف ئەبو قەسرە و سەرۆکی دەزگای ھەواڵگریی سووریا، حوسێن سەلامە پێشوازیان لێکراوە.

ڕاشیگەیاندووە کە دوای تەواوبوونی ڕێوڕەسمی پێشوازیکردنەکە لە فڕۆکەخانەی نێودەوڵەتی دیمەشق، ئەندامانی شاندە باڵاکەی تورکیا لە کۆشکی گەل لە دیمەشق، لەلایەن سەرکۆماری سووریا، لەلایەن ئەحمەد شەرع پێشوازییان لێ کراوە.