نیویۆرک.. ھێلیکۆپتەرێک خۆی بە باڵەخانەیەکدا کێشا

نیویۆرک - AA

لە ناوچەی مانھاتنی شاری نیویۆرکی ئەمریکا، ھێلیکۆپتەرێک خۆی بە باڵەخانەیەکی ئەو ناوچەیەدا کێشا.

بەپێی ئەو راگەیاندراوەی لە بەڕێوەبەرایەتی ئاگرکوژێنەوەی نیویۆرک بڵاوکراوەتەوە، ھێلیکۆپتەرێک لە نزیک گۆڕەپانی تایمزی ناوەڕاستی ناوچەی مانھاتن خۆی بە دوا نھۆمی باڵەخانەیەک کێشاوە.

راشگەیەندرا کە لە ئاکامی ئەو رووداوە، ھێلیکۆپتەرەکە گڕی گرتووە و تیمەكانی پۆلیس و ئاگرکوژێنەوەش دەستبەجێ گەیشتوونەتە شوێنەکە.

پارێزگاری نیویۆرک، ئاندرێی کوامۆ لە لێدوانێکیدا بۆ رۆژنامەنووسان لە شوێنی رووداوەکە رایگەیاند:"ھۆکاری نیشتنەوەی ھێلیکۆپتەرەکە بۆ سەر ئەو بینایە نازانین ، ئەمە نیشتنەوەیەکی روتینی نییە".

بەپێی زانیارییە سەرەتاییەکان و ئەو ھەواڵانەی لە راگەیاندنەکانی ئەمریکا بڵاوکراوەتەوە، کەسێک بەھۆی ئەو رووداوەوە گیانی لەدەستداوە.