پۆلیسی ئیسرائیل دوو ھاووڵاتی تورکی دەستگیر کرد

قودس - AA

لە ئەنجامی پێکدادانی نێوان پۆلیسی ئیسرائیل و گرووپێک ھاووڵاتی تورکی لە دوای نوێژی ئێوارە لە دەرگای مزگەوتی ئەقسا، دوو ھاووڵاتی تورکی دەستگیر کران.

بەپێی زانیاری شایەتحاڵان، گرووپێک ھاووڵاتی تورکی کە لە نێوانیاندا منداڵ ھەبوو و تیشێرتی ئاڵای تورکیايان لەبەربوو و لەسەریان کڵاو ھەبوو، لەکاتی چوونیان بۆ مزگەوتی ئەقسا لە لایەن پۆلیسی ئیسرائیل رێگرییان لێکرا.

پۆلیسی ئیسرائیل داوای داکردنی تیشێرتی ھاووڵاتییە تورکەکانی کرد و پێیانی گوت کە ئەگەر تیشێرتەکان دانەکەنن ئەوا رێگە بە چوونە ژوورەوەیان بۆ مزگەوتی ئەقسا نادەن.

لە بەرامبەر کاردانەوەی گرووپەکە، پۆلیسی ئیسرائیل رووبەڕوویان بووە و پاشان گرژی لە نێوان پۆلیسی ئیسرائیل و گرووپەکە دروست بوو کە بەھۆیەوە دوو ھاووڵاتی تورکی دەستگیر کران.

ئەو دوو ھاووڵاتییە تورکەی دەستگیر کراون لە وڵاتی بەلجیکاوە ھاتوون و ھەڵگری ناسنامەی تورکیا و بەلجیکان.

تاکو ئێستا پۆلیسی ئیسرائیل لەبارەی رووداوەکە ھیچ روونکردنەوەیەکی نەکردووە و ئەو دوو ھاووڵاتییە تورکە ناویان عەبدوڵڵا کزڵئڕماک و مەھمەت کارگڵیە.