پێنج تیرۆریستی داعش لە کەرکووک کوژران

ھەولێر ــ AA

شانەی ڕاگەیاندنی ئەمنی عێراق، کوژرانی پێنج تیرۆریستی داعشی لە پارێزگای کەرکووک، ڕاگەیاند.

شانەی ڕاگەیاندنی ئەمنی لە ڕاگەیاندراوێکدا ئاماژەی بەوەداوە کە فڕۆکە جەنگییەکانی عێراق پشت بەستن بە زانیارییە ھەواڵگرییەکان لە میانی ھێرشێکدا، حەشارگەیەکی تیرۆریستانی داعش-یان لە ناوچەی دۆڵی زەغیتون باشووری پارێزگای کەرکووک بۆردومان کردووە.

ڕاشیگەیاندووە کە لە ئاکامی بۆردومانەکەدا، پێنج تیرۆریستی داعش کوژراون، ھەروەھا حەشارگەيەكیش خاپوورکراوە.