کۆریای باکوور تاقیکردنەوەی جۆرێکی نوێی مووشەکی کروزی ستراتیجی ڕاگەیاند

ئەنقەرە - AA

کۆریای باکوور یەکەم تاقیکردنەوەی جۆری نوێی مووشەکی کروزی ستراتیجی بەناوی "Bulhwasal-3-31" ڕاگەیاند، کە پەرەی پێدەدات.

بەپێی هەواڵێکی ئاژانسی هەواڵی ناوەندی کۆریا، فەرمانگەی گشتیی مووشەکی کۆریای باکوور، یەکەم تاقیکردنەوەی جۆری نوێی مووشەکی کروزی ستراتیجی بەناوی "Bulhwasal-3-31" ئەنجام داوە.

فەرمانگەی گشتیی مووشەکی کۆریای باکوور، بڵاویکردەوە کە تاقیکردنەوەکان لە چوارچێوەی پرۆسەی پەرەپێدانی سیستمی چەکدا کارێکی ڕوتین و ناچارییە.

ئاماژە بەوەیش کرا کە تاقیکردنەوەکە کاریگەری نەرێنیی لەسەر ئاسایشی وڵاتی دراوسێ نەبووە.