کۆلۆمبیا.. خۆپیشاندان دژبە تیرۆر

بۆگۆتا ــ AA

لە ژمارەیەک شاری کۆلۆمبیا لەنێویاندا شاری بۆگوتا-ی پایتەخت، بە مەبەستی ئیدانەکردنی ئەو ھێرشە تیرۆریستییەی کە کوژرانی ٢٠ کەسی لێکەوتەوە، خۆپیشاندان ئەنجامدرا.

لە شاری بۆگوتا بەھەزاران کەس لەژێر ناوی "یەکگرتوویی دژبە تیرۆر" رژانە سەر شەقامەکان و ئەو ھێرشە تیرۆریستییەی کە رۆژی پێنجشەممەی رابردوو روویدا، ئیدانەکرد.

لە خۆپیشاندانەکەدا کە سەرۆکی کۆلۆمبیا، ئیڤان دوکی و سەرۆکەکانی پێشوو و وەزیرەکان و ھونەرمەندان لەگەڵ ژمارەیەک لە کەسایەتییەکانی ئۆپۆزسیۆن بەشداری بوون، خۆپیشاندەران بە بەرزکردنەوەی ئاڵای وڵاتەکەیان، دەستەسڕی سپی و گوڵ دروشمیان دژبە تیرۆر گوتووە.

بەشداریکردنی سەرۆکی پێشووی کۆلۆمبیا، خوان مانوێل سانتۆس لە خۆپیشاندانەکەدا، بووە جێگەی سەرنج و خۆشحاڵی خۆپیشاندەران.

رۆژی پێنجشەممەی رابردوو، ھێرشێکی تیرۆریستی ئەکادیماییەکی پۆلیسی لە شاری بۆگۆتا پایتەختی کۆلۆمبیا کردە ئامانج و لە ئاکامدا ٢٠ کەس کوژران.

ھاوکات داواکاری گشتی کۆلۆمبیا بڵاویکردەوە کە ئەنجامدەری ھێرشەکە سەربە گرووپی "سوپای رزگاریخوازی نیشتمانی"یە.