غالیب ئەنساریئۆغڵو باس لە هەڵبژاردنەكانی مانگی داهاتوو دەكات

پاڵێوراوی شاری دیاربەكر لەسەر لیستی ئاك پارتی غالیب ئەنساریئۆغڵو، گوتی: "لەهەڵبژاردنی پێشوەختەی مانگی داهاتوودا، خەڵكی دیاربەكر، باشووری رۆژهەڵات و كورد شتێك هەڵدەبژێرن. یان دەنگ دەدەن بەوانەی چاڵ هەڵدەكەنن یان بەوانەی رێگاوبان چاك دەكەن. یان دەنگ دەدەن بەوانەی لەناو شار پێنج قوتابخانە دادەخەن. رێگە دەگرن لەقوتابیان و مامۆستایان بچنە قوتابخانە، مزگەوتەكان دەكەنە خەوگە. یان دەنگ دەدەن بەوانەی قوتابخانە و نەخۆشخانە درووست دەكەن و مزگەوتەكانی مێژوویی نۆژەن دەكەنەوە".

ئەنساریئۆغڵو لەكاتی كردنەوەی بنكەی هەڵبژاردنی ئاك پارتی لەشارۆچكەی چەرمیك دوا و گوتی: "هەدەپە دەنگدەر هەڵدەخەڵەتێنێت".

بەگوزارشتكردن بۆ ئەوەی كە هەدەپە سیاسەتێكی هەڵە پەیڕەو دەكات گوتی: "لەهەڵبژاردنی ٧ی حوزەیراندا گوتیان 'ئێمە دەبینە حزبی توركیا، دیموكراسی، ئاشتی و ئازادی، برایەتی دەهێنین. ئێمە لەمەودوا كۆتایی بەشەڕ دێنین و سیاسەت دەكەین'. ویستیان بەو قسانە باوەڕ بەو كەسانە بێنن كە دەنگیان نەدەدا بەهەدەپە. هاتن لەبەر ئەوە دەنگیان دا، بەڵام دوای ٧ی حوزەیران بەبێ هیچ هۆكارێك هاتن و گوتیان 'ئێمە قۆناغی چارەسەریمان تێكدا. ئاگربەستمان شكاند'. هەڵخەڵەتاندنیكی گەورە بوو. ئەو بوونە توركیاییە، ئەو ئاشتی و دیموكراسییەی باسیان كرد گوزارشت بوو لە درۆیەكەی گەورە".

ناوبراو بانگەشەی بۆ ئەوە كرد كە سیاسەتمەدارانی هەدەپە هیچ كاتێك دیموكراسی نەبوون، ئەوان بەرگەی هیچ كەسێك ناگرن لەخۆیان نەبێت و مافی ژیانییان پێ بەڕەوا نابینن و گوتی: "لەلیجە لەسەدا ٩٧ دەنگ دێنن، بەڵام بەرگەی لەسەدا سێ ناگرن. لەوێ كەس ناتوانێت بڵێت لایەنگر یان ئەندامی ئاك پارتیم، مافی ژیان بۆ ئەوان بەرەوا نابینن. لەجزیر لەسەدا ٨٨ دەنگ دێنن، بەرگەی لەسەدا ١٢ ناگرن. ژمارەیەك ئەندامی هوداپار-یان كوشت، برای پەرلەمانتارێكی ئیمەیان كوشت، تەنانەت مافی ژیانیش بۆ خەڵك بەڕەوا نازانن، كەچی هەر دەمیان دەكەنەوە باس باسی دیموكراسی و ئاشتییە. ئەگەر كەسێك قسەیەكەی زۆر بەكارهێنا، لەوێ كێشە هەیە. خۆ ئەگەر ئێوە بوەستن ئاشتی خۆی هەیە، هیچ كێشەیەك نییە. ئێوە بوەستن بەسە، تاكە مەرجی ئاشتی وەستانی ئێوەیە. ئاوا دەڵێن 'ئاشتی' و شەڕ هەڵدەگیرسێنن، دەڵێن 'دیموكراسی' و بەرگەی كەس ناگرن. بەكاریكاتێر سووكایەتی بەپێغەمبەرمان دەكەن، بوونەتە دوژمنی موسوڵمانان و باوەڕدارن و بەهاكانی پیرۆز، گەلی كورد موسوڵمانە لە ١ی تشرینی دووەمدا وەڵامتان دەداتەوە".

پاڵێوراوی ئاك پارتی لە شاری دیاربەكر غالیب ئەنساریئۆغڵو، بانگەشەی ئەوەی كرد كە موختارەكان لەلایەن سەرۆك شارەوانییەكانی (بەدەپە) هەڕەشەیان لێ كراوە، ئاماژەی بەوەدا رێگە بەوە نادەین خۆیان بسەپێنن.

ئەنساریئۆغڵو بەسەرنجراكێشان بەوەی لەهەڵبژاردنی ١ی تشرینی دووەمدا ئەركێكی قورس دەكەوێتە سەر دەنگدەران گوتی: "لەهەڵبژاردنی پێشوەختەی مانگی داهاتوودا، خەڵكی دیاربەكر، باشووری رۆژهەڵات و كورد شتێك هەڵدەبژێرن. یان دەنگ دەدەن بەوانەی چاڵ هەڵدەكەنن یان بەوانەی رێگاوبان چاك دەكەن. یان دەنگ دەدەن بەوانەی لەناو شار پێنج قوتابخانە دادەخەن. رێگە دەگرن لەقوتابیان و مامۆستایان بچنە قوتابخانە، مزگەوتەكان دەكەنە خەوگە. یان دەنگ دەدەن بەوانەی قوتابخانە و نەخۆشخانە درووست دەكەن و مزگەوتەكانی مێژوویی نۆژەن دەكەنەوە. پێشكەشكردنی خزمەتگوزاری بۆ نەوەكانتان و ئایندەیەكی گەش".

ئەنساریئۆغڵو بەبیری هێنایەوە كە لەسەردەمی حكومڕانی ئاك پارتیدا قەدەغەكانی سەر كورد هەڵگیران و بەرلەوەی ئاك پارتی بێتە سەركار، بوونی كورد و زمان و ناسنامەی كورد دانی پێدا نەدەنرا و گوتی: "تەقینەوەكانی ئەنقەرە، دیاربەكر، سروج و شكاندنی ئاگربەستیش، پەیوەندی بەدەستپێشخەرەكانی سیاسیی توركیاوە نییە. ئەو كردە ناپاكانە بەهەماهەنگی بۆ پێشگرتن لەگەشەسەندن و گەورەبوونی توركیا دەكرێن لەناوە و دەرەوە. دەیانەوێت بەو كارانە فەوزا لە توركیا درووست بكەن، ئاشتی و ئارامی توركیا تێك بدەن، پێش بە گەورەیی و گەشەسەندنی توركیا بگرن. ئاك پارتی پشتی نە بەهیچ رێكخراوێك، نە بە ئەمریكا، نە ئێران و رووسیا نە هێزەكانی زەبەلاح بەستووە، ئاك پارتی هەر لەسەرەتاوە پشتی بەگەل و خودا بەستووە. تەواوی ئەو جیاوازییانەی لەجوگرافیای ئیسلامی هەبووە، لێكیان جیاكردنەوە و بوو بە پێكدادان و لێكدابڕیدان تەواوی ئەو جوگرافیەیان كردە گۆڕەپانی جەنگ و خەڵتانی خوێنیان كرد. ئێستاش چاویان لەسەر توركیایە. لە ١ی تشرینی دووەم لەسەر سندووقەكان ئەو سیحرەیان هەڵدەوەشێنینەوە".