پەیوەندی تەلەفۆنی ئەردۆغان و روحانی

ئەنقەرە - AA

سەرکۆماری تورکیا، رەجەب تەیب ئەردۆغان پەیوەندییەکی تەلەفۆنیی لەگەڵ سەرکۆماری ئێران، حەسەن روحانی ئەنجامدا.

بەپێی ئەو زانیاریانەی کە لە سەرچاوەکانی سەرۆکایەتی کۆماری تورکیا، بەدەستکەوتوون، لە پەیوەندییە تەلەفۆنییەکەدا ئەردۆغان و روحانی لەبارەی دوایین پێشھاتەکانی سووریا ئاڵوگۆڕی بۆچوونەکانیان کرد.

لە پەیوەندییە تەلەفۆنییەکەی نێوان ئەردۆغان و روحانی جەخت لەسەر ئەوە کرایەوە کە کۆنگرەی سۆچی بە پشتیوانی تورکیا و ئێران پێشھاتێکی ئەرێنییە.

ھەر لە پەیوەندییە تەلەفۆنییەکەدا ئەردۆغان و روحانی خۆشحاڵی خۆیان لەبارەی بەرەوپێشبردنی ھەماھەنگی لەنێوان ھەردوو وڵات لە پرسی بەرەنگاربوونەوەی تیرۆر و ئاسایش دەربڕیوە.