Zana Natık Kerem
14 ئەیلوول 2020•نوێکردنەوە: 14 ئەیلوول 2020
هەولێر ــ AA
وەزارەتی گواستنەوەی عێراق رایگەیاند كە بوومەلەرزەیەك بەگوڕی سێ پلە بەپێوەری رێختەر، باكووری رۆژئاوای قەزای شنگال سەربە پارێزگای نەینەوای هەژاندووە.
وەزارەتی گواستنەوەی عێراق لە راگەیەندراوێكدا، ئاماژەی بەوە داوە كە روانگەی بوومەلەرزانی سەربە دەستەی گشتیی كەشنانسی رایگەیاندووە كە بوومەلەرزەیەك بەگوڕی سێ پلە بەپێوەری رێختەر لە باكووری رۆژئاوای قەزای شنگال روویداوە.
بەپێی راگەیەندراوەكە، دانیشتوانی قەزای شنگال و دەورووبەری هەستیان بە بوومەلەرزەكە نەكردەووە.
لە راگەیەندراوەكەدا ئاماژە بەوە نەدراوە، لەوەی ئایە بوومەلەرزەكە زیانی گیانی و ماددەی لێ كەوتووەتەوە یان نا.
