خاپوورکردنی حەشارگەیەکی داعش لە باکووری عێراق

ھەولێر ــ AA

ھێزەکانی سوپای عێراق لە میانی ئۆپەراسیۆنێکدا، حەشارگەیەکی داعشیان لە پارێزگای سەڵاحەددین باکووری ئەو وڵاتە خاپوور کرد.

شانەی راگەیاندنی ئەمنی سەربە فەرماندەیی ئۆپەراسیۆنە ھاوبەشەکانی عێراق لە راگەیەندراوێکدا ئاماژەی بەوەداوە کە ھێزەکانی لیوای ٩١ی پیادە پشت بەستن بە زانیاریە ھەواڵگرییەکان، ئۆپەراسیۆنێکیان بۆسەر پاشماوەکانی رێکخراوی تیرۆریستیی داعش لە چیای مەکحول باکووری پارێزگای سەڵاحەددین، ئەنجامداوە.

بەپێی راگەیەندراوەکە لە میانی ئۆپەراسیۆنەکەدا، حەشارگەیەکی داعش لە ناوچەکە دۆزراوەتەوە کە دواتر لەلایەن ھێزەکانی سوپاوە، خاپوورکراوە.