دهۆک - AA
دوای نیوەڕۆی رۆژی هەینی، ئاگرێک لە کەمی شاریا لە پارێزگای دهۆک کە ئاوارە ئێزدییهكان تیایدا نیشتەجێن، کەوتەوە.بە گوتەی هاووڵاتییەکی نیشتەجێی کەمپەکە کە باژانسی ئانادۆڵوی راگەیاند، ئاگرهکە بەهۆکارێکی نادیار کەوتووەتەوە.
بەپێی زانیارییەکان، بەهۆی ئاگرەکەوە زیاتر لە ٣٥٠ خێوهتی ئاوارەکان سووتاون.
شایەتحاڵەکان بە ئاژانسی ئانادۆڵۆیان راگەیاند، دوای رووداوەکە دەستبەجێ تیمەکانی بەرگریی شارستانی گەیشتنە شوێنی رووداوەکە، بەڵام بەهۆی گهورهیی قەبارەی ئاگرەکە و زوو گڕگرتنی خێوهتهكان، ئاگرەکە به خێرایی تەشەنەی سەند و زیانێکی زۆری ماددی لێکەوتەوە.
تاوەکو ئێستا هیچ زانیارییەک لەبارەی کەوتنەوەی زیانی گیانی لەو رووداوەدا نەزانراوە و هیچ روونکردنەوەیەکی فەرمیش بڵاونەکراوەتەوە.
کەمپی شاریا دەکەوێتە باشووری پارێزگای دهۆک و نزیکەی ٣٠ هەزار خێزانی ئێزدیی تیادا نیشتەجێیە کە بەهۆی هێرش و پەلامارەکانی رێکخراوی تیرۆریستی داعش بۆ سەر شنگال لە هاوینی ٢٠١٤دا، ئاوارە بوون و لەو کەمپەدا گیرسانەوە.
بەپێی داتاکانی وەزارەتی کۆچ و کۆچبەرانی عێراق، لە هەرێمی کوردستاندا ٢٧ کەمپی نیشتەجێبوونی ئاوارەكان هەن کە ٧٣٧ هەزار و ٣٦٥ کەس تیایدا نیشتەجێکراون.
