دوو دڕۆن لە هەولێر کەوتنە خوارەوە

هەولێر - AA

کەمێک پێش ئێستا دوو دڕۆن لە ناحیەی شەمامکی سەر بە پارێزگای هەولێر کەوتە خوارەوە.

دڕۆنێک لە گوندی پیرداود و دڕۆنێک لە گوندی سۆربەش سەر بە ناحیەی شەمامک لە باشووری پارێزگای هەولێر کەوتووتە خوارەوە.

بەپێی قسەی شایەتحاڵان سێ دڕۆن لە ئاسمانی ناوچەکە بینراوە و دوودانەیان کەوتوونەتە خوارەوە و دانەیەکیان لە ناوچەکە دوورکەوتووەتەوە.

هێزە ئەمنییەکانی هەولێر و هێزی هاوپەیمانان گەیشتوونەتە شوێنەکە و دەستیان بە لێکۆڵینەوە کردووە.

هاوکات دوو هێلیکۆپتەری سەربازیی هاوپەیمانان بە نزمی بە ئاسمانی ناوچەکەدا دەسووڕێنەوە و بەپێی زانیارییەکان دڕۆنەکان هیچ زیانێکیان نەبووە.

تیمی ئاژانسی ئانادۆڵو گەیشتوونەتە شوێنەکە و بینوویانە کە قەبارەی دڕۆنەکە گەورە بووە و لە دووری چەند مەترێکەوە بە ڕوونی دیاربووە کە ڕەنگی دواوەی سپی و سەوزە و بەشی دواوەی دڕۆنەکە ساغ بووە و تێکنەشکاوە.