دەستگیرکردنی سێ تیرۆریستی داواکراو لە بەغدا راگەیەندرا

ھەولێر – AA

شانەی راگەیاندنی ئەمنی سەربە نووسینگەی سەرۆکوەزیرانی عێراق، دەستگیرکردنی سێ تیرۆریستی داواکراوی لە بەغدا راگەیاند.

شانەی راگەیاندنی ئەمنی لە راگەیەندراوێکدا ئاماژەی بەوەداوە کە ئاژانسی ھەواڵگریی و لێکۆڵینەوەی فیدراڵیی سەربە وەزارەتی ناوخۆی عێراق ئۆپەراسیۆنێکیان لە رۆژئاوای بەغدا ئەنجامداوە.

راشیگەیاندووە کە لەمیانی ئۆپەراسیۆنەکەدا، سێ تیرۆریستی داواکراو دەستگیر کراون.