عێراق.. رزگارکردنی بەڕێوەبەری لقی کۆمپانیای مێرسێدس-بێنز کە لە بەغدا رفێندرابوو

AA

دەزگای ئاسایشی نیشتمانیی عێراق، رزگارکردنی بەڕێوەبەری لقی کۆمپانیای مێرسێدس-بێنز لە عێراق راگەیاند کە سێ رۆژ لەمەوبەر لە بەغدا رفێندرابوو.

لە راگەیەندراوێکدا دەزگای ئاسایشی نیشتمانیی عێراق بڵاوی کردەوە کە دوای دەستکەوتنی زانیاری ھەوڵگریی سەبارەت بە بوونی کەسێکی رفێندراو لە یەکێک لە ماڵەکانی ناوچەی قاھیرە رۆژھەڵاتی بەغدا ، ھێزەکانی ئاسایشی نیشتمانیی بەشێوەی مەیدانی بەدواداچوون و لێکۆڵینەوەیان لەوبارەیەوە ئەنجامداوە.

بەپێی راگەیەندراوەکە لە ئەنجامی ئەو بەدواداچوون و لێکۆڵینەوەدایە و دوای وەرگرتنی مۆڵەتی یاسایی بۆ ھەڵکوتانە سەر ماڵەکە، ھێزەکانی ئاسایشی نیشتمانیی کەسێکیان لە ماڵەکەدا رزگارکردووە کە دەرکەوتووە بەڕێوەبەری لقی کۆمپانیای مێرسێدس-بێنزە لە عێراق و ھەڵگری رەگەزنامەی ئوردنییە.

ئاماژە بەوەیشدراوە کە بەڕێوەبەری لقی کۆمپانیای مێرسێدس-بێنز لە عێراق سێ رۆژ لەمەوبەر لە یەکێک لە ناوچەکانی بەغدا رفێندرابوو.

لە راگەیەندراوەکەدا ئەوەیش خراوەتەڕوو کە لە میانی رزگارکردنی بەڕێوەبەری لقی کۆمپانیای مێرسێدس-بێنز لە عێراق، دەست بەسەر ژمارەیەک چەک و مۆبایلدا گیراوە.