عێراق.. كوژرانی سێ خۆپیشاندەر لە بەغدا

بەغدا ــ AA

كۆمیسیۆنی باڵای مافەكانی مرۆڤ لە عێراق رایگەیاند كە لە میانی رووبەڕوووبوونەوەكەی دوێنێ دووشەممە، نێوان خۆپیشاندەران و هێزە ئەمنییەكان لە گۆڕەپانی تەحریر ناوەڕاستی بەغدا، سێ خۆپیشاندەر كوژراون و 21ی دیكەیش برینداربوون.

لە راگەیەندراوێكدا كۆمیسیۆنی باڵای مافەكانی مرۆڤ لە عێراق بڵاوی كردەوە، ئەوەی بە بەڵگە كردووە كە لە میانی رووبەڕوووبوونەوەكەی دوێنێ دووشەممە نێوان خۆپیشاندەران و هێزە ئەمنییەكان لە گۆڕەپانی تەحریر ناوەڕاستی بەغدا، سێ خۆپیشاندەر كوژراون و 21ی دیكەیش برینداربوون.

لە راگەیەندراوەكەدا، كۆمیسیۆنی باڵای مافەكانی مرۆڤ لە عێراق ئیدانەی بەكارهێنانی توندوتیژی لە خۆپیشاندانەكانی ناوەڕاستی بەغدای كردووە و داوای لە حكوومەتی عێراق كردووە بەپەلە ئەنجامی لێكۆڵینەوەكان سەبارەت بە خۆپیشاندانەكان رابگەیەنێت و بكوژانی خۆپیشاندەرانیش راپێچی دادگا بكات.

لە بەشێكی دیكەی راگەیەندراوەكەدا، كۆمیسیۆنی ناوبراو داوای لە هێزە ئەمنییەكان كردووە كە توندوتیژی بەرامبەر بە خۆپیشاندەران بەكارنەهێنن و داواشی لە خۆپیشاندەران كردووە كە خۆیان بە دوور بگرین لە رووبەڕووبوونەوە لەگەڵ هێزە ئەمنییەكاندا.

چەند رۆژێكە خۆپیشاندان و ناڕەزایەتیی دەربڕین بەرامبەر بە خراپی خزمەتگوزارییە سەرەكییەكان بەتایبەتیش كارەبا لە شاری بەغدا و ژمارەیەك شار و شارۆچكەی ناوەڕاست و باشووری عێراق ئەنجام دەدرێت.