عەلی قەرەداغی ئیدانەی پەلامارەکەی داعش لە سنووری مەخموور دەکات

ھەولێر ــ AA

سکرتێری گشتیی یەکێتیی زانایانی موسڵمانانی جیھان، عەلی قەرەداغی ئەو پەلامارەی داعشی ئیدانە کرد کە لە قەزای مەخموور باکووری عێراق ئەنجامی دا و رایگەیاند "داعش، رێکخراوێکی گەمژە و کوشتنە، نەک رێکخراوێکی ئايین و عەقڵ".

عەلی قەرەداغی لە ھەژماری تایبەتی خۆی لە تۆڕی کۆمەڵایەتی فەیسبووک، پەیامێکی لەبارەی پەلامارەکەی داعش لە قەزای مەخموور باکووری عێراق بڵاوکردەوە و تیایدا ھاتووە: " ئەو پەلامارە تیرۆریستیەی کە داعش لە ناوچەکە ئەنجامی داوە، بە ھەموو پێوەر و بنەمایەکی ئایینی، نیشتمانیی و نەتەوەیی و مرۆڤایەتی ئیدانە کراوە".

عەلی قەرەداغی راشیگەیاندووە "زیان گەیاندن بە ئاسایشی کۆمەڵگەکان، خزمەت بە ئیسلام ناکات و خودای گەورە رەحم بە ھاووڵاتییانی سڤیل و پێشمەرگە بکات".

ئەمینداری گشتیی یەکێتیی جیھانیی زانایانی موسڵمان، عەلی قەرەداغی ئەوەیشی گوتووە: "ئێمە شانازی بە ئیسلامەوە دەکەین، رێکخراوێکی توندڕویی وەکو داعش کەرامەتی نییە کە بووەتە ھۆکاری سووکایەتییکردن بە موسڵمانان و ھاوکارییکردنی دووژمنانی ئیسلام".

عەلی قەرەداغی ھەروەھا رایگەیاندووە "داعش، رێکخراوێکی گەمژە و کوشتنە، نەک رێکخراوێکی ئايین و عەقڵ".

ئەمەیش دوای ئەوە دێت دوو شەو لەمەوبەر، تیرۆریستانی داعش پەلاماری ناوچەی سەرگەڕان و قەرەچووغ -یان دا و بەھۆیەوە ژمارەیەک ھاووڵاتیی شەھید و برینداربوون و لەکاتی ئۆپەراسیۆنی راوەدوونانی تیرۆریستانیشدا، ژمارەیەک پێشمەرگە شەھید و برینداربوون.